a7la-tollab

مبادرة طلابية تهتم بطرح القضاياوالمشاكل الإجتماعية التي يعاني منها الطلاب والبحث عن الحلول المناسبة وذلك بمساعدة الإختصاصين وأولياء الأمور

المواضيع الأخيرة

» رجل الصحراء
الخميس مايو 08, 2014 6:59 pm من طرف mohmad

» Tango Argentina - Dancing Tango
الأربعاء فبراير 19, 2014 12:53 pm من طرف blanqsafro

» 50 TERI MERI MAYA KA CHARCHA Mp3
الثلاثاء فبراير 18, 2014 12:40 pm من طرف blanqsafro

» شو رأيكم
الخميس أبريل 25, 2013 4:17 am من طرف mimosamy

» مـــن تــــكــــو نــــــي
الخميس يناير 31, 2013 6:36 pm من طرف mohmad

» حوار جميل بين الذكر ةالأنثى
الخميس يناير 31, 2013 6:17 pm من طرف mohmad

» خــارطــتـــي
السبت نوفمبر 03, 2012 4:41 pm من طرف mohmad

» أحببتك
السبت نوفمبر 03, 2012 4:38 pm من طرف mohmad

» توقف ؟
الجمعة أبريل 13, 2012 5:14 pm من طرف mohmad

المواضيع الأخيرة

» رجل الصحراء
الخميس مايو 08, 2014 6:59 pm من طرف mohmad

» Tango Argentina - Dancing Tango
الأربعاء فبراير 19, 2014 12:53 pm من طرف blanqsafro

» 50 TERI MERI MAYA KA CHARCHA Mp3
الثلاثاء فبراير 18, 2014 12:40 pm من طرف blanqsafro

» شو رأيكم
الخميس أبريل 25, 2013 4:17 am من طرف mimosamy

» مـــن تــــكــــو نــــــي
الخميس يناير 31, 2013 6:36 pm من طرف mohmad

» حوار جميل بين الذكر ةالأنثى
الخميس يناير 31, 2013 6:17 pm من طرف mohmad

» خــارطــتـــي
السبت نوفمبر 03, 2012 4:41 pm من طرف mohmad

» أحببتك
السبت نوفمبر 03, 2012 4:38 pm من طرف mohmad

» توقف ؟
الجمعة أبريل 13, 2012 5:14 pm من طرف mohmad

التبادل الاعلاني

التبادل الاعلاني


    صبايا يلي ببيت أهلو عامهلوووووووووووووووو

    شاطر

    kamar

    عدد المساهمات : 217
    نقاط : 350
    تاريخ التسجيل : 24/01/2010
    العمر : 23
    الموقع : a7la-tollab

    صبايا يلي ببيت أهلو عامهلوووووووووووووووو

    مُساهمة من طرف kamar في الأحد مارس 07, 2010 2:25 pm

    يا صبايا يلي ببيت اهلو عامهلووووووووووووووإن موضوع الخطبة أصبح عادة تقليدية تنتقل من أسرة إلى أسرة ومن حيِ إلي حي ومن بلد إلى بلد ولكن الغريب في هذا إن اغلب الفتيات الذين يقبلون على الخطبة بنات الاثنا عشر عام ولهذا توضع الكثير من إشارات التعجب في أذهاننا ما تلك العوامل وما هي الأسباب التي دفعتهم ولهذا قمت إنا وزميلاتي في البحث عن تلك الأسباب بطرح بعض الأسئلة على زملاءنا في المدرسة والذين أمدونا بالكثير من الآراء المفيدة على الشكل التالي:
    1-هل تحبذي الخطبة في هذا العمر؟
    بانا صف عاشر:أبدا مابفضلها لأنو بضيع كتير من وقتنا وطبعا على شي فاضي بعد فترة بتن فسخ الخطبة وبتروح عالبنت وأنا ما مستعجلة على الخطبة
    قمرع صف عاشر:حلوة كتير لو كانت بهالعمر بالعكس الخطبة بهالعمر بتعطي ثقة للبنت بنفسها وما بتخليها تروح شمال ويمين
    ندى صف عاشر:انا مع الخطبة بهالعمر لانو البنت بهالعمربدها اهتمام واكيد لما بتنخطب بتحس بهاد الاهتمام
    لينا صف حادي عشر:الخطبة مشروع فاشل وخصوصا بهالعمر (عاشو مستعجلين)خلونا نعيش كل مرحلة بمرحلتا اساسا نحن صرنا بزمن نسبة الطلاق صارت فيه اكتر بكتير من حالات الزواج بقى كيف نحن لي بهالعمر بدنا ننخطب ونكون اسرة اكيد مرفوضة
    هبة صف عاشر: اكبر جريمة ممكن ترتكبها البنت لانو لسا كتير بكير لازم تعيش حياتها
    نور صف حادي عشر:غلطة كبيرة كتير تنخطب البنت بهالعمر متل لي عم يقفز من اول درجة لاخر الدرج واكيد رح تندم مع الوقت لانو لساتها مراهقة وما قد قراراتها واختيارها لازم قبل ما تنخطب تعاشر ناس وتشوف كتير وتجرب لحتى تكون قد هالقرار
    كوثر صف حادي عشر: لا عادي كتير تنخطب مشان تدلل ويصير عندها الحرية الكاملة من اهلها ومنو بتحس بحدا مهتم فيها
    الاء صف حادي عشر:لا عادي وأنا ماعندي مشكلة إذا أجا نصيبي هلئ طبعا بنخطب لانو لي بيجي هلق ما بيجي بعدين
    امينة صف حادي عشر:اذا البنت عندها ظروف صعبة ببيتها تنخطب احسن ما ضل عم تتعذب وانا ما عندي مانع انخطب بس يكون لي بحبو ولي انا بدي ياه
    مها صف عاشر:انا ما بحب الخطبة بهاد العمر لاني اكيد ما رح اقدر اتفاهم معو وبطل عنو وتتسما علي خطبة بس لاخد البكلوريا بفكر
    ليلى صف حادي عشر:لا ابدا ما بحبها لانو لسا عقلنا صغير ونحن لسا ناقصنا حدا يربينا لحتى نربي ولاد
    هندا جعفرصف عاشر:يعني هي لغيري حلوة بس انا مو خرج ارتباط بحب عيش حريتي من دون ما حدا يقيدني ويفرض اوامروا علي
    فرح صف حادي عشر:لا طبعا ما بحبها لانو لسا بكير وبعدين كل ما درس ورتفعت كل مازادت إيمتي وعقولت المتل(خبي العسل بجرارو لحتى تغلا اسعاروا)
    شذى بكلوريا:هيدا الموضوع بيختلف من وحدة لوحدة بس انا بتمنى لو انخطب واخلص من اهلي ومن العذاب كل يوم
    2-ماذا يتغير في نفسيتك و حياتك إن خطبتي ؟
    فاطمة صف عاشر:ما بيتغير شي بضل متل ما أنا
    هلا حادي عشر:بحس حالي مبسوطة وبرتاح من اهلي ومن سلطتهم علي ولهاشي انخطبت مرتين بس ما تفاهمت معهم
    هندا جعفرصف عاشر:بغير لبسي وشكلي وبهتم بحالي وبصير حط مكياج
    ندى صف عاشر:رح انشغل كتير عن دراستي ورح صير فكر ايمت جاي ولوين بدنا نروح وشو رح اطبخلو وهيك......
    مها صف عاشر:بصير بتقيد زيادة بلبسي وبلبس مانطوووو
    لينا صف حادي عشر:بتجدد حياتي وبصير عندي ثقة بحالي اكتر
    3-هل تهتمي لحالته المادية؟
    امينة صف حادي عشر: لا ابدا ما بتهمني حتى لو عيشني بكوخ قبلانة بس يكون كويس معي
    بانا صف عاشر: طبعا بتهمني لانو ما بقبل عيش غير الحياة لي تعودت عليها ولي ربيت فيها لو ما حالتو المادية اكتر مني عالقليل قد حالتي
    لينا صف حادي عشر:اكيد لازم تكون حالتو مرتاحة عالقليل بنسبة50%
    فرح صف حادي عشر: اكيد بتهمني حالتو المادية لانو انا صريفة
    4-هل تفضلي ان يكون لديه شهادة دراسية؟
    مها صف عاشر:ما بتفرق بس اذا ما كان دارس يكون بأيدو صنعة
    فرح صف حادي عشر: طبعا يكون دارس عالقليل لدرجة الدراسة لي انا بوصلا
    فاطمة صف عاشر:بفضلو دارس لو بس معو بكلوريا
    هلا صف حادي عشر:مافارقة المهم بيشتغل وبيصرف علي
    لينا صف حادي عشر:لا ما مهم بس يكون مثقف وفهمان الدنيا وعندو خبرة بالحياة
    هندا جعفر صف عاشر:دارس لانو كترت بطالة العمل والشهادة بتساعدو يلاقي فرص عمل اكتر
    ياسمين صف عاشر:دارس طبعا مشان افهمو ويفهمني وما يكون عقلو متخلف
    5-هل تهتمين لشكله الخارجي؟
    فاطمة صف عاشر: ما مهم شكلو بس يكون مرتب وانيق
    ليلى صف عاشر:طبعا الشكل اهم شي مشان ا تصبح بشكل حلو ما افزع كل ما شوفو
    هلا صف حادي عشر: اكيد بهمني شكلو بس اخلاقو اهم يعني يكون مقبول
    ندى صف عاشر:الجمال جمال الروح
    فرح صف حادي عشر:أي طبعا بدي ياه حلو لو كان غني وعاقولت المتل(يا اخد القرد عامالو بروح المال وبضل القرد عاحالووو)6-هل تفضلين الخطبة التقليدية ام بعلاقة حب؟مها صف عاشر:ما بحب يكون في علاقة حب لانو كل الشباب بدهن يتسلو والشب لي رايد البنت عنجد بروح عابيت اهلها وبيطلبها يعني(بيجي من الباب مو من الشباك)
    ياسمين صف عاشر: بفضل العلاقة مشان اقدر اتعرف عليه واعرف طبعو وصفاتوطيب بركي طلع بخيل
    قمر ع صف عاشر: اساسا ما بقبل انخطب لواحد ما بحبووو

    ]color=red]7-لو طلب منك ان تتركي دراستك من اجله هل توافقين؟[/color]
    ندى صف عاشر:أي بقبل بس اخد البكلوريا بطل الدراسة
    فرح صف حادي عشر: لا ما بترك دراستي لحتى خلص جامعة
    مها صف عاشر: أي بترك دراستي شو رح تفيدني اساسا اخرتنا لبيت جوزنا
    هندا جعفر صف عاشر : لا بدي كمل دراستي لانها سلاح بأيدي
    قمرع صف عاشر:ما في مشكلة مازال هو قادر يدير بالو علي يعني ما في داعي للدراسة
    8-وهل ترغبين بالخطبة من اجل قهر بعض الاشخاص؟
    لين غ صف حادي عشر:ما بقهر بس بحط على عين كل حدا حكي علي
    ندى صف عاشر:أي بدي اقهر بنات جيرانا لانهم بضلو يحكو علي وبقول واني بحياتي مرح انخطب
    لوزان صف حادي عشر:انا ما بدي اقهر حدا بس بدي اخلص من شك اهلي فيني وبصراحة بدي اقهر اختي لاصغر مني لانها مخطوبة
    هلا صف حادي عشر:أي في كتير ناس بدي اقهرهم وهن بنات عمي-ورفقاتي-واهم حدا هو لي كنت حبو لانو تركني وخطب وحدة(مخطوبة مرتين وفسخت)
    هبة صف عاشر:ما في حدا اقهروا بس بدي اخلص من حكي الناس
    9-لو تقدم لك عريس كامل من جميع الجهات هل تقبلين ؟(السؤال
    للذين رفضو فكرة الخطبة
    )
    بانا صف عاشر:لا ما بقبل لو كامل لسا الحياة قدامي
    لينا صف حادي عشر:هو يجي واحد كامل وبعدين بفكر بس لبيجي هلق بيجي بعدين
    نور صف حادي ع:شراكيد ما بقبل ولو فعلا رايدني بيصبر علي لحتى اخد البكلوريا وبعدين لكل حادث حديث
    10-ما هو الذي يدفع البنات في هذا العمر للخطوبة؟
    قمرع صف عاشر:بتكون عم تحكي مع شب واهلا عرفوا بقوموا بخطبوها مشان يستروا عليها
    لينا صف حادي عشر: بتكون بدها تخلص من مشاكلها مع اهلها
    ندى صف عاشر:بكون بدها دهب وحدا يصرف عليها ويجبلها هدايا
    امينة صف حادي عشر:الفقر هو اكتر شي بخلي البنت تنخطب بهالعمر
    بانا صف عاشر:ممكن تقاليد عائلية انو البنت تنخطب بهالعمر
    نور صف حادي عشر: بكونوا اهلا بدهن يخلصو من مصروفها لهيك بخطبوها
    هبة صف عاشر:احيانا بكون بالعيلة اكتر من بنت والعيلة فقيرة فابيطروا يبيعو وحدة من هالبنات لاول عريس بيجي
    (ولما سألناهم )
    11-اذا تقدم لك الذي تحبيه هل توافقين وانتي في هذا العمر؟
    والكل وبدون استثناء قالو :أي اكيد ما في مانع
    يعني ما ستفدنا شي من كل هالاسئلة
    وكما رأيتم الكثير من الأراء الغريبة والمتعددة
    وأنا الآن أحب أن أعرفكم على الصحفيات الذين قاموا بهذه المهمة وأعطوا أرائهم باختصار :
    1-لولو عثماني:انا ارفض الخطبة في هذا العمر وهذا لعدة أسباب ومنها التقيد وعدم الشعور بحريتها ولا تستطيع ان تعيش حياتها بجميع مراحلها وبالنسبة لي فاأنا لاأقبل مهما كانت الظروف والأسباب وهذا لان طموحاتي وأحلامي كثيرة وعند الارتباط سأضيع كماً هائلا من تلك الأحلام وأنا أفضل الشاب الدارس وهذا ليتميز في حديثه وثقافته ولا احبذه جميل كي لا يصبح مغرورا بنفسه الذي يهمني هو جماله الداخلي وافضله متوسط المادة وهذا لكي أعيش وأنا مطمئنة على احلامي وانا اعتقد إن اكثر الفتيات اللواتي يقبلون على الزواج في هذا السن من اجل الفقر والحاجة وكلام الناس الذي لا يرحم
    2-جنان شغري:أنا أحبذها ولا أحبذها,أحبذها لأنها تجربة جديدة في حياة الفتاة ولا أحبذها لأننا في هذا العمر وهذا ما يجعلنا نتصرف بطريقة عدم وعي لا تليق بتصرفات واحدة مخطوبة
    والارتباط في هذا العمر يحرمني من التمتع في الكثير من الاشياء وهذا عدا عن انه يلهيني عن دراستي ورفاقي الذين لهم الجزء الاكبر في حياتي , وأنا اعتقد إن أغلب الدوافع التي تجعل البنت ترتبط في هذا العمر هو مادي او من الأهل ومصالح بين العائلات,وانا لا اهتم للشهادات التي يحملها الشاب بقدر ما اهتم بشخصه وثقافته وخبرته بالحياة ومدى فهمه وتقبله للامور وإن كان لديه عملا يغطي على الشهادة فلا امانع ان يكون بلا شهادة , ونحن الان في عصر تطور وتقدم بنا الزمان حتى اصبح المال هو كل شيئ لذلك انا تهمني حالته المادية,واهتم لمظهره الخارجي ولكن من ناحيه الاناقة والترتيب ولكني اهتم اكثر في ما داخله, وإن جائني كاملٌ وارتحت له ولاخلاقه من الممكن أن أقبل به
    3-رهام :أنا أرى بأننا مازلنا صغارا على هذا الهم ولكن الفتيات اللواتي لديهم بعض المشاكل النفسية والعائلية واللواتي ينفون فكرة الخطوبة على أنهم سيكملون دراستهم وتراهم من ذلك لأخر فالتنخطب أفضل لها ولسمعتها وهي بكل الحالات تلهي نفسها عن الدراسة ,ومن ناحيته المادية فأنا لا أهتم وهذا لأن المال لا يبقى وفي ذات الوقت اهتم مظهره الخارجي بشكل مقبول وليس خارق الجمال وهذا لان أخلاقه ومعاملته هي الأهم ,وإن خطبت هذا يجعلني أشعر بالاهتمام وبأن هناك من يشاركني مشاكلي وهمومي ,وأعتقد بأني أفكر بهذا الموضوع أكثر عندما أنهي مرحلة الثانوية ويصبح في حوزتي شهادة استعملها كسلاح أدافع به عن نفسي أمام مصائب الحياة ,ولا اهتم كثيرا بشهادته إن كان لديه صنعة أو مستوى تعليمي معين
    5-وهي أنا قمر الَجمال:لا تعليق, وهذا لأني مهما تكلمت عن هذا الموضوع فلا استطيع أن أضيف شيئا جديدا عما قالوه زملائي ولذلك أقولSadيلي ببيت أهلوا على مهلووووووووو)وانتم شاركونا في أرائكم لأنها تهمنا وأن أعجبكم أحد هذه الآراء ضعوا أسمه في ردكم وبهذه الطريقة نتعرف على ردكم .
    BAY cheers

    يوسف افندي

    عدد المساهمات : 55
    نقاط : 94
    تاريخ التسجيل : 08/02/2010
    العمر : 24
    الموقع : joysoul92@live.com

    اهاااااا

    مُساهمة من طرف يوسف افندي في الثلاثاء مارس 09, 2010 6:35 am

    طيب مابتسئلو شورئينا نحنا الشباب بلموضوع
    ولا ليكون في عنصرية هوووون lol!

    kamar

    عدد المساهمات : 217
    نقاط : 350
    تاريخ التسجيل : 24/01/2010
    العمر : 23
    الموقع : a7la-tollab

    رد: صبايا يلي ببيت أهلو عامهلوووووووووووووووو

    مُساهمة من طرف kamar في الثلاثاء مارس 09, 2010 10:38 am

    ليش ناوي تخطب خلص انت جيب موافقة من أهلك ودلني عالعروس وأنا بخطبلك ياها بحياتي ما سمعت شب بيخطب بهالعمر شو امو وخطيبتو بيتساعدوا بتربايتو بعدين لاتنسا البنت بتكبر قبل الشب Evil or Very Mad

    Admin
    Admin

    عدد المساهمات : 153
    نقاط : 381
    تاريخ التسجيل : 18/01/2010

    رد: صبايا يلي ببيت أهلو عامهلوووووووووووووووو

    مُساهمة من طرف Admin في الأربعاء مارس 10, 2010 5:29 pm

    اكيد يايوسف بإمكانك ان تعبر عن رايك بموضوع الزواج المبكر عن الفتيات ويهمنا كثيرا" رأي الشباب بهذا الموضوع واكيد قمر توافقني بالراي Razz

    kamar

    عدد المساهمات : 217
    نقاط : 350
    تاريخ التسجيل : 24/01/2010
    العمر : 23
    الموقع : a7la-tollab

    رد: صبايا يلي ببيت أهلو عامهلوووووووووووووووو

    مُساهمة من طرف kamar في الخميس مارس 11, 2010 6:31 am

    اي طبعا بوافقك على هالشي( مو انتي مامي وما بزعلك )أكيد يوسف بتقدر تعبر عن رأيك بهالموضوع لانو موبس البنات لي بفكروا بالارتباط بهالعمر بس يمكن مشكلة انو يأمن حالو هي لي مانعتو عن هالشي jocolor

    lolo othmane

    عدد المساهمات : 31
    نقاط : 39
    تاريخ التسجيل : 24/01/2010

    رد: صبايا يلي ببيت أهلو عامهلوووووووووووووووو

    مُساهمة من طرف lolo othmane في الأربعاء مارس 17, 2010 4:37 am

    هااااااااااي cheers
    مرسي أمورة ع سيرة خطبة الشباب في واحد كل ما يحكي مع بنت بيطلع عند أهلها وبقول لأمها بدي جيب ماما وأخطب بنتك وكالعادة بيتقلع (ولهشي من ناديلو نيدو)وبالمناسبة هو صف حادي عشر دلوع الماما Laughing

      الوقت/التاريخ الآن هو الثلاثاء ديسمبر 06, 2016 3:10 am